«Մխիթար Սեբաստացի» կրթահամալիրը ուսումնական հաստատություն է Երևանում։ Իրականացնում է ամբողջական միջնակարգ (նախակրթական, հանրակրթական, ավագ), արհեստագործական, միջին մասնագիտական և լրացուցիչ կրթական ծրագրեր։ Հիմնվել է 1989 թվականին այն ժամանակ Խորհրդային Հայաստանի Կրթության և գիտության նախարարության կողմից և կրում է Մխիթար Սեբաստացու անունը։
Կրթական ծրագիրը
Կրթահամալիրն իրականացնում է պետական այլընտրանքային (հեղինակային) կրթական ծրագիր, որի ընթացքում կարևորվում է սովորողի և ուսուցչի համատեղ ստեղծական աշխատանքը։ ՏՏ-ները և օտար լեզուները գործածվում են առաջին դասարանից։ Սովորողի նախասիրությունը ուսումնական պլանով որոշված գործունեություն է, որն իրականացվում է լաբորատոր-մասնագիտական միջավայրում։
Կրթահամալիրում գործում են բազմաթիվ ակումբներ, որոնցից են Գիտակների ակումբը, Անգլախոսների ակումբը, Հայրենագիտական ակումբը, Տիեզերք ակումբը, Էկոլոգների ակումբը, Բուսաբանների ակումբը, Երիտասարդ քիմիկոսների ակումբը, TV ակումբը և այլն։
Մասնաճյուղ ուսումնական հաստատություններ
- Արևելյան դպրոց-պարտեզ — Նոր դպրոց
- Արևմտյան դպրոց-պարտեզ — Դպրոց-պարտեզ
- Հյուսիսային դպրոց-պարտեզ — Գեղարվեստի դպրոց
- Հարավային դպրոց-պարտեզ — Հիմնական դպրոց
- Միջին դպրոց
- Ավագ դպրոց
- Քոլեջ
Մասնաճյուղ-լրացուցիչ կրթության դպրոցներ և ուսումնական կենտրոններ
- Երաժշտության և պարի դպրոց
- Դպրոց բնության գրկում (նախաբանակային պատրաստության ճամբար)
- Բնասերի դպրոց (Սեբաստացի ագարակ)
- Գեղարվեստի դպրոց
- Կենտրոն (Սեբաստացի մոլ)
- «Տիգրան Հայրապետյան» գրադարան
- Մանկավարժական աջակցության
- Հայրենագիտական-արշավախմբային կայան
- Հրատարակչություն
- Մեդիագրադարան
- Mskh.am
- Մարզադպրոց
- Շախմատի դպրոց
ԱՐԱՏԵՍԻ ԴՊՐԱԿԱՆ ԿԵՆՏՐՈՆ 