Սրանից լավ վիճա՞կ գոհության… Լսում եմ…

DSCN9706Երեք օրը՝ սեպտեմբերի 7-ի, 8-ի, 9-ի աշխատելու եմ Արատեսում: Կրթահամալիրի, Վայոց ձորի երիտասարդական կենտրոնի, Շատինի պատանիների-երիտասարդների հետ Եղեգիսի Արտաբույնքից, Ցախաց քարով-Սմբատաբերդով, Հերմոնի վանքով մտնելու ենք Արատես: Գիշերելու եմ վրանում:

Արատեսի բնության գրկում դպրոցի բլոգում հրապարակված եռօրյա հագեցած ծրագրին ավելացրեք դպրական կենտրոն-ճամբարը 2018-2019 ուստարվա ռազմամարզական առաջին բանակումին պատրաստելը… 50-ի չափ պատանիներ կրթահամալիրից, Եղեգիսի խոշորացված համայնքի դպրոցներից, Եղեգնաձորի քոլեջից… Հանաք բան չէ, 2019-ի հունիս-օգոստոսի ռազմամարզական բաց համահայկական ճամբարային ուսուցման պատրաստության ստուգատես է: Ահա ինչու՝ սեպտեմբերի 15-ին Արատես կայցելեն ՀՀ պաշտպանության, կրթության և գիտության, տարածքային կառավարման և զարգացման փոխնախարարներ… Արատեսը ձեր աչքի առաջ, ձեր՝ յուրաքանչյուրիս մասնակցությամբ ու մասնակցության հնարավորությամբ թափ է հավաքում… Հետևեք դպրական կենտրոնի գործունեությանը, հրավերներին, նրա բլոգում, նաև անգլերեն, մենք ձեզ հուսախաբ չենք անի…

Պղպջակախաղ Հարավի լողափում, 5 տարեկաններ:
Ֆոտոշարը՝ Արև Բալջյանի:

Թափ ասածը վերաբերվում է և Բլեյան կրթական բաց ցանցի զարգացմանը-ծավալմանը… Ահա ինչու՝ հուսալի-փորձառու-օժտված՝ մոբիլ ու ստեղծական կյանքով ապրող օգնականի՝ Կարապետ Ռուբինյանի ներգրավումը անհետաձգելի էր: Շնորհակալ եմ Կարապետին, որ իր 4 տարեկան Մարիամ Լուսե աղջնակով, անգլերենի մասնագետ տիկնոջով ողջունելի արագությամբ սեբաստացիներ են… Իսկ Կարապետի` հատուկ սեբաստացիների համար կազմած կենսագրականը ինձ հիացրեց, օրվան իմ նոր լազաթ փոխանցեց:

Կուզեմ, որ իմ «Առավոտ լուսո»-ն հանրային TV եթերում, հարցազրույց-հանդիպումը հանրայինի ռադիո հարթակում լսեք-դիտեք որպես իմ օրվա գրի հղումներ:

Առցանց հետևելու եմ հայ-վրացական Բրոյի-բրոյի՝ հանրակրթական կամուրջների 2018-2019 հոբելյանական՝10-րդ ուսումնական տարվա մեկնարկի պատրաստության եռօրյա բանգլադեշյան հավաքի աշխատանքներին՝ սեպտեմբերի 7-ին, 8-ին, 9-ին… Հանաք բան չէ, սեպտեմբերի 10-ին «Հայ-վրացական հանրակրթական կամուրջներ» ծրագրի ուսումնական տարվա մեկնարկին մեզ է այցելում Վրաստանի հանրապետության վարչապետ Մամուկա Բախտաձեն Հայաստան իր առաջին պաշտոնական այցի շրջանակում…

Քայլարշավ Սմբատաբերդ, Ցախած քար:
Ֆոտոշարը՝ Եղոյան Գոհարի:

Դուք էլի կարդալու բան ունեք, սեբաստացի-ոչ սեբաստացի ընթերցող, կրթահամալիրի խորհրդին երեկվա օրակարգով ներկայացրածը մեր… Ամեն ինչ՝ բաց չթողնելով 2018-2019-ին մանկավարժական աշխատանքը կրթահամալիրում սկսող յուրաքանչյուրի կենսագրականները… Համայնք չէ՞ կրթական, իրար մասին տեղեկացված լինենք, հին ու նոր չկա մեզանում, հնարավորությունների դրսևորման հավասար միջավայր է մեզանում հաստատված, որ գործընկերոջ պակաս չզգանք կրթահամալիրի ներսում…

Դավիթ Բլեյանը նոր հեծանիվ ունի, իրենը: Կմնա դպրոցում: Շնորհակալ եմ Հասմիկ Սիմոնյանին ընտրության համար: Մնաց համակարգիչը՝ թվային այն գործիքը, որ անբաժան-հարմար կլինի մեր ուսումնատենչ յոթ տարեկան դարձողին… Որքա՜ն են գովում, որքա՛ն է իրեն լավ զգում Արմինեն, որ իմ տղուն գովում են… քիչ է փքված… Դավիթն ավելի ինքնուրույն է, ավելի լսող…
Ցնցուղի տակ է, խոսում եմ… թքելու մասին… Թվում է՝ երկար ստացվեց, Դավթից ձայն չկա…
– Դավի՞թ,- ձայնում եմ,- չե՞ս լսում…
– Լսում եմ, հայրի՛կ, խոսի…
Լսող տղա ունենք. սրանից լավ վիճա՞կ գոհության…

Հարավի ստեղծագործողները:
Ֆոտոշարը՝ Արև Բալջյանի:

Կրթության արդյունքում, ուսումնական աշխատանքի ողջ ընթացքում մենք ո՞նց կարող ենք չլսել իրար, չլինել կապի մեջ… Անկապ հավաքանի կլինի՞, էն էլ՝ ստեղծական ու դինամիկ զարգացող… Լսո՞ւմ եք՝ սեպտեմբերի 21-ի բարձունքի նվաճումը եկեք ուրի՜շ դարձնենք, շատ նման առաջին անգամին… երկու հազար տասներեքին… Եկեք ճամփորդությամբ ուսուցման սեբաստացիական ստուգատեսի կանգնենք, մեր ճամփորդական՝ առօրյա դարձող արդուզարդով…

Կրթահամալիրի տնօրենի երեկվա գիրը

Добавить комментарий

Заполните поля или щелкните по значку, чтобы оставить свой комментарий:

Логотип WordPress.com

Для комментария используется ваша учётная запись WordPress.com. Выход /  Изменить )

Google photo

Для комментария используется ваша учётная запись Google. Выход /  Изменить )

Фотография Twitter

Для комментария используется ваша учётная запись Twitter. Выход /  Изменить )

Фотография Facebook

Для комментария используется ваша учётная запись Facebook. Выход /  Изменить )

Connecting to %s