Արատես, մի հրաշալի վայր։ Ես շատ եմ եղել Արատեսում, բայց ամեն անգամ նորովի գեղեցկություն եմ տեսնում։ Այնտեղ տեղի ունեցավ ձնե քանդակի փառատոնը. Շատ գեղեցիկ էր, իսկ եղանակը ավելի խորհրդավոր էր դարձրել` առատ տեղացող ձյուն, մառախուղ ու վեր խոյացող խոշոր արձաններ… շատ տպավորիչ էր: Փառատոնի կազմակերպիչը կրթահամալիրն էր, իսկ քանդակագործները Թերլեմեզյան քոլեջի ուսանողները։ Երբ մենք հասանք արդեն քանդակներ կային, բայց մեզ ուղղորդեցին, որ մենք ինքներս պատրաստեինք մեր քանդակները :Իսկ մենք կարողացանք քանդակել միայն ձնե քարանձավ: Ամենագրավիչը ընդհանուր տեղանքի ձմեռային հեքիաթն էր, մեր տնակները, առօրյան: Վերջին օրը չնայած շատ ձյան շերտի քայլեցինք արջաձոր: Ամառային տեսարանից շատ տարբեր էր, շատ ուրիշ: Իմ ընկերներից շատերը առաջին անգամ էին Արատեսում և զարմացած էին, որ այսպիսի տեղանք էլ կա: Ինձ շատ դուր եկավ մեր փառատոնային ճամբարը, անպայման նորից եմ մասնակցելու։
ԱՐԱՏԵՍԻ ԴՊՐԱԿԱՆ ԿԵՆՏՐՈՆ 