Այսօր կեսօրին ոչ մեծ աշխատանքային խմբով ժամանեցինք Արատես՝գարնանային անհետաձգելի աշխատանքներ կատարելու նպատակով: Ճիշտ է ճանապարհին՝ Ելփին գյուղի վերնամասում, ոսիկանության Եղեգնաձորի բաժնի ծառայողները պնդում էին, որ չի թույլատրվում այս օրերին տեղաշարժը՝ անգամ գյուղատնտեսական աշխատանքների համար, բայց քանի որ պարետը այլ բան է հրահանգել, մենք հետևեցինք նրա հրահանգին և ժամանեցինք Արատես: Այստեղ եղանակը խոնավ էր, տաք, բայց տեղումներ բարեբախտաբար չկային և մենք անցանք գործի։ Կարևորելով յուրաքանչյուր թփի կոկիկությունն, անկախությունը՝ խնամքով հեռացրեցինք չորացած, ավելորդ ճյուղերը,այսպես մոտ 20 թուփ և տարբեր վայրի ծառատեսակներ: Տեղավորեցինք ձմեռային պարագաները, 2-րդ տան լանջին խոտի սերմ ցանեցինք, խոհանոցում որոշակի մաքրություն և այլ հարակից աշխատանքներ: Երեկոյան էլ գնացինք քայլարշավի՝ տեսնելու վարարած Արատես գետն, որը առանձին լուսաբանման թեմա է:
ԱՐԱՏԵՍԻ ԴՊՐԱԿԱՆ ԿԵՆՏՐՈՆ 