Արատեսի դպրական կենտրոնից՝ երեկոյան այս խաղաղ ժամին, ցանկանում եմ արձագանքել Տիար Բլեյանի գրին: Վաղը գիշեր մեր փեթակները կբերվեն այստեղ, կտեղադրվեն լաբորատորիա տնակի արդեն խնամված, խուզված, լուսավորված բակում: Արատեսը գրավիչ է տարվա բոլոր եղանկաներին, բայց ես կցանկանամ էլ ավելի կարևորել հատկապես ամառը,քանի որ մեկնարկում ենք ընտանեկան-հետազոտական ճամբարները: Սովորողները շատ թե քիչ պատմում են իրենց ծնողներին Արատեսի մասին, բայց այն որ արդեն ծնողները կարող են ու պետք է գան տեսնելու՝ դա փաստ է: Մենք պատրաստ ենք հյուրընկալել ընտանիքների, ծանոթացնել տեղանքին, ապահովել հարմարավետ կեցություն և անվտանգ կենցաղ: Արատեսը լինելու է նաև այսօր մեկնարկած «Սասնալանջ կամ Մհերի դուռ» փառատոնի կարևոր հարթակներից մեկը:
Հետևեք մեր ուսումնական բլոգին, նաև ֆեյսբուքյան էջին, որտեղ կտեսնեք ամենօրյա աշխատանքների մասին հրապարակումներ, ճանապարհին կարևոր կանգառներից լուսանկարներ, տեսանյութեր:
ԱՐԱՏԵՍԻ ԴՊՐԱԿԱՆ ԿԵՆՏՐՈՆ 