Արատեսյան ճամփորդությունները ինչ նախագծով էլ որ լինի, միևնույնն է ամեն խմբից հետո միջավայրը փոխվում է: Եվ այն դառնում է նկատելի մյուս խմբերին: Ինչքան էլ հեռահար կապով ագահաբար հետևել եմ Արատեսի աշխատանքներին, բայց իրականությունը ավելի շոշափելի է: Շատ եմ ուրախանում բարեկարգման արդյունքներով, մի աթոռով, լույսերով, ջահերով, մառանում խնամքով շարված խնձորով, ամեն-ամեն ինչով:
Այս անգամը առանձնացնեմ մեր արվեստագետ տղաների՝ Հարութ, Մուշեղ և ընկերների աշխատանքներով: Գովք չլինի հանկարծ, բայց աչքս առել է, պիտի ասեմ, թե ինչ սրտացավ մարդիկ են մեր տղաները, ինչքան մեծ աշխատանք տարվեց սովորողների հետ, ինչքան փոխվեց մեր գեղարվեստի տունն ու դուռը. անճանաչելի, և դեռ դառնում է, թե ինչ հոգատար էին բոլոր սովորողների նկատմամբ, հատկապես՝ միջին դպրոցի սովորողների նկատմամբ. ինչ ուրախ ժամանցներ էին կազմակերպում, հետևում, որ բոլորը մասնակցեն, ներառվեն… Արատեսը որ չլիներ, էլ որտեղ պիտի բացահայտեինք միմյանց: Դե, մնացածս մեր գործերով, Տարոնն էլ մեզ մշտապես հոգատար, օգնող ընկեր: Որ պատմեմ, հա կպատմեմ, բայց չերկարացնեմ, ուղղակի ամեն անգամ վերադառնալիս ուզում եմ բոլորիս շնորհակալ լինեմ, մեր ստեղծած միջավայրի համար, սիրելի կրթահամալիր:
Տեսաֆիլմերը շատ պատմող են, դիտեք:
Արատեսյան Տյառնընդառաջի ծեսի իրականացում-Գոհար Եղոյանի բլոգում
Մարզական Արատես– Նաիրա Հարությունյանի բլոգում
Տյառնընդառաջը Արատեսում. Միջին դպրոց
Արատեսի նախատոնական տրամադրությունը-Աննա Երիցյանի բլոգում
ԱՐԱՏԵՍԻ ԴՊՐԱԿԱՆ ԿԵՆՏՐՈՆ 