Արատեսի դպրական կենտրոնը պատրաստվում է ամենամյա ռազմամարզական ճամբարների մեկնարկին: Յուրաքանչյուր տարի պետք է նախորդի համեմատ զարգացում լինի ճամբարային առօրյայում, կենցաղում, գործունեությունում: Ճամբարականները կգիշերեն վրաններում, կացարաններում ինչու չէ նաև բաց երկնքի տակ: Սնուննդը կկազմակերպվի Հացատանը, հիգիենայով կզբաղվեն հիմնական ցնցուղարաններում և իհարկե վրանային ակումբի տարածքի լվացարաններում:
Ճամբարի ուսումնական ուղղություններ են՝ բնապահպանական, ռազմամարզական, հայրենագիտական, արտակարգ իրավիճակների, ընթերցողական։ Ճամբարի աշխատակարգում՝
- ամենօրյա մարմնամարզական պարապմունքներ՝ ներառյալ վազքը անհարթ տարածքով.
- ամենօրյա լող Արատես գետում.
- ամենօրյա երեկոյան ընթերցում, քննարկումներ.
- Արատես ուսումնական կենտրոնի տարածքի խնամք, Արատեսի շրջակայքում վայրի թփերի՝ մասրենի, ալոճենի քարտեզագրում, կենտրոնի տարածքի ծառերի հաշվառում.
- մեկօրյա քայլարշավ՝ գետանցումով.
ԱՐԱՏԵՍԻ ԴՊՐԱԿԱՆ ԿԵՆՏՐՈՆ 