Արատեսում այս տարի խոտը առատ է, ինչպես Երևանում՝ ծիրանը։ Կարող ենք մեր տարածքի խոտով ապահովել մեր ագարակի ձիերի կերի անհրաժեշտ պաշարը։ Պետք է շտապ սկսել խոտքաղը, խոտը հավաքելը։ Դիմում ենք մեր տղաներին. երկու գիշեր, երեք օր մասնակցեք խմբի աշխատանքին։ Արձագանքեք, Ձեր «այո»-ն ու «ոչ»-ը փոխանցեք։
Հարգանքով՝ Աշոտ Բլեյան, Գևորգ Հակոբյան
Շնորհակալ ենք արձագանքի, արված-արվող աշխատանքի համար։
Կոչը վերաբերում է նաև Արատեսի բոլոր խմբերին, նախագծային հավաքների յուրաքանչյուր մասնակցի։ Ակնհայտ է, որ խոտը քաղել-հավաքելը, մաքրությունը անհրաժեշտ են նաև անվտանգության, Արատեսը հնարավոր հրդեհներից, տնակները՝ զեռունների, կրծողների մոտիկությունից զերծ պահելու համար։
Խնդրում ենք աշխատանքխը ներառել նախագծերում, ճամփորդությունից առաջ ստանալ տիարի կոնկրետ հանձնարարությունը։
ԱՐԱՏԵՍԻ ԴՊՐԱԿԱՆ ԿԵՆՏՐՈՆ 