Արատեսի դպրական կենտրոնում շարունակվում են շինարարական-վերանորոգման աշխատանքները: Չնայած եղանակային անբարենպաստ պայմաններին՝ Արատեսի դպրական կենտրոնի նվիրյալ Գայ Օհանյանի գլխավորությամբ՝ շինարարները և բանվորները ջանք ու եռանդ չեն խնայում գործը արագ և որակով կատարելու համար:
Այժմ ընթացքի մեջ են կացարանների առաստաղների վերանորոգման, հենապատերի թարմացման, դռների և լուսամուտների մաքրման-տեղադրման, հատակի վերանորգման կամ նոր տախտակներով փոխարինման, կուտակված աղբի տեղափոխման և այլ աշխատանքները: Հիշեցնեմ, որ նոր թիթեղյա ծածկով փոխարինվել են 7 կացարաններից 5-ի տանիքները և ամրացվել փայտե կառուցատարերը: