«Մխիթար Սեբաստացի» կրթահամալիրի տնօրեն Աշոտ Բլեյանի գլխավորությամբ շարունակվում են Եղեգիսի կիրճում նոր քայլարշավային երթուղիների բացահայտումը և մշակումը, որոնցով կանցնեն ինչպես սովորողներ ու ուսուցիչներ, այնպես էլ Եղեգիսի կիրճի բնակիչներ: Պարզվում է, որ կիրճի գյուղերի բնակիչների ճնշող մեծամասնությունը այդքան էլ լավ չեն տիրապետում իրենց շրջակա տարածքներին, ճանապարհներին ու արահետներին: Այսօրվա բացահայտումը Հորբատեղ գյուղից դեպի Սալլի տանող ճանապարհն էր, որը իրենից ներկայացնում հետաքրքիր և տեսարժան քայլարշավային երթուղի: Ճանապարհը անցնում է սարերի փեշով, իսկ բարձունքից տեսարանը էլ ավելի գրավիչ է դառնում, քանի որ հորիզոնում երևում է Սմբատաբերդը, կիրճում՝ Քարագլուխ, Սալլի, Արտաբույնք գյուղերը: Ի դեպ՝ բարձունքին կա նաև փոքրիկ մատուռ, որի մասին դեռ այդքան տեղեկություն չունենք: