Արատեսյան անցուդարձ

Ապրիլ ամսվա առաջին կեսը նույնպես Արատեսի դպրական կենտրոնում հագեցած էր աշխատանքային ակտիվությամբ: Շինբարեկարգման աշխատանքները նոր թափ են ստացել,որը կապված է եղանակային պայմանների բարելավման,բնության զարթոնքի հետ: Ձյան տակ թաքնված շինաղբը հեռացվել է: Ավարտվել է դուռ-պատուհանների վերանորգում, բարեկարգումը, կառուցվել է պանդոկին կից շինության տանիքը և դեպի պատշգամբ բարձրացող աստիճանները: Հավաքվել է Գեղարվեստի կացարանի՝ դեպի արևմուտք նայող մեծ պատուհանի ցեմենտ բետոնե կարկասը, լուսամուտն էլ շուտով կտեղադրվի: Ճամբարային կյանքը փոքր ինչ պասիվացել է ձնհալի և դրա հետևանքով առաջացած ցեխի պատճառով,սակայն հաջորդ շաբաթ արդեն ունենք խումբ՝ Ավագ դպրոցից Ջուլի Սիմոնյանի ղեկավարությամբ: Առաջիկայում կկառուցվեն և կբարելավվեն սանիտարահիգենիկ պայմանները, պանդոկին կից շինությունում կկառուցվի պետքարան,ցնցուղարան և նրան կից մառանը, ինչպես նաև ճամբարային մասի ցնցուղարանն ու պետքարանը,հիգիենայի համար նախատեսված սենյակը: